Safari Imeanza.

Mwaka jana niliomba nauli nilitoa kauli safi yenye kumfanya dereva mashuhuri asiniache stendi ya basi. Honi nyingi zilisikika wapiga debe nao walimiminika ‘’mama njoo upande gari liko wazi masaki mikocheni mbezi ingia gari iko wazi, ingia  usiende kule wezi wakutoe machozi’’.

Wazee walinena yakuwa miruzi mingi humpoteza mbwa hatari zaidi pale miruzi inapomuita ikimwonesha nofu kubwa zaidi ya kichwa chake . ninajua mnapenda waita mbwa wenu majina kama samba!, chui! Hata tiger!majina haya hayana maana kama utashindwa mfundisha mbwa wako tofauti ya mluzi wako na wa kibaka pale unapomuita samba! Hata Yule Chloe wa jirani apate kuiga.

Kaka safari imeanza abiria wameona mwendo wa dereva na wameona anavyotii sheria bila shuruti kweli uendeshaji anauweza, mpaka sasa tochi hazijamweka hatiani kwani kwake ni kama alama za barabarani kwani aepukaye uovu si mpumbavu. kaka kipindu dereva wetu anachaguliwa kushika usukani baadhi ya mafundi rejeta hawakumkubali ‘’ kaghushi leseni” walinena, safari ya leo mwaka jana tochi zilimulika kama jua faini zikamwagika nani aliyejua ustadi wa dereva wa leo sote tunafaidika.

Aliyekando haangukiwi na mti abiria 45 si mchezo ni roho za watu, kondatka wetu namwona yu makini si type ya kuyumbishwa na wapiga debe hakuna kucheza rede kazini. Maiti haiogopi kuoza wote tunaelekea sehemu moja safari itakuwa ya fanaka tukiombeana ukisika Guuuu! Mwambie tingi angalie mizigo.

Wengine nimesikia kelele zao viti vya nyuma ‘’nguvu ya coca-cola mafundo saba imekwisha chupa kavu’’wapendwa abiria wenzangu tuwe wavumilivu sito shangaa kumwona chura kikaangoni niki izuru Beijing lakini sitegemei mwona masanja akikaangiwa kiepe wakati ana unga tena wa udaga ndani kwake wansafari bibi mzuri hakosi kilema au mmesahau ajali za mwaka jana siwatishi Tunakumbushana.

Kaka nina enjoy kuona miti inavyopishana na mwendo wa basi kiti change cha dirishani kina nipa amani. Ninamatumaini  ya kutofaulishwa maana bendera hufuata upepo ninayoiona sasa ni ya chuma. Sina cha kusema zaidi ya kumkumbusha dereva jap ndo umeingia gia ya kwanza na mlima unaufuata abiria wako tutakuwa sikio lako la tatu tairi litakapo pasuka maana cheo ni dhamana.

Kaka niko safarini neno la mwisho pale unapohitajika mchinja ng'ombe njiani sitegemei kuona kadi ya BVR. Tuombeane uzima si kazi ndogo kubadili gogo kuwa kiti.

Padili 16.